香港新浪網MySinaBlog 精選話題工具
新浪網 - MySinaBlog
« 上一篇 | 下一篇 »
court 中生涯
呆呆子 | 02-Oct-09, 11:45 PM | 我呀媽
一開始，我是很不願意協助跟這單 court case 的
因為一早就從 c 兄積奇口中得知這單 case 之前好多甩漏
比呀 sir 少左好多嘢！
況且今次是幫糖糖姐手，我預計我的工作量會很大
既然係一 pat 屎，我都唔想癡上身…

當然，屎與我有緣！
我依然是主力協助糖糖姐的那人

幸好地，今次我走運
不論同事搭配，counsel 的更換，court clerk 的人選…
也對我們有利！ 
最重要的是 prosecution counsel 轉了為派利
一位典型的英國紳士，好人，有禮，企我地果邊
雖然其中兩個 defendant counsel 是癡線的
一個是皇后，份人勁假，係個官面前就 “Thank you my honor”
背後則聲大兼無品，四圍鬧人，個個人都要服侍佢咁
佢當左個個人都係佢個 clerk
成日都問埋 d 低能問題，耍手段又耍得老土到死
到後期，我同高佬 sir 不停咁單打 & 串佢！
爽！
另一個白癡 counsel 仲厲害英文都未講得順
最經典一句 “don’t take us to the garden”
在 court 中態度其差
個官都話左唔比 weight 佢都係要問
問又問埋 d 唔關佢 client 既嘢！
係咁拖長個 trial，勁憎佢！
係 lift 到撞到佢都唔啋佢，佢同我講早晨都唔啋佢！
不過有 d 奇的係，其餘果兩個鬼佬counsel & 師爺都好鍾意我
成日撩我傾計，我變左係同事口中的 “親善大使”  

係個 trial 入面，有好多時我地都唔想做到咁盡
因為大家都覺得 D2 & D3 罪不至此
又或者 Defendant counsel 都講得啱，佢地都唔係我地個 target
不過，因為佢地個兩個 counsels 都極乞人憎
如果比佢地打甩左，咪好似佢地嬴左
咁樣我接受唔到囉！
留言(0) | 引用(0)